En ses emprim pled sco president haja Martin Candinas dà ina survista da las sfidas centralas da la politica da traffic en Svizra – sco la LITRA scriva. Ina sfida saja la mobilitad ed il traffic che cuntinueschian da crescher fermamain, ed uschia sajan las capacitads da l’infrastructura da traffic gia uss fitg chargiadas. Dasper dumagnar la mobilitad creschenta en las aglomeraziuns haja era num da segirar il provediment da basa en las regiuns periferas.
La LITRA s’engascha per crear bunas cundiziuns da basa per il traffic public, ed in ferm sistem da traffic svizzer che prenda resguard sin l’ambient.
RR novitads 14:00