N-z, n-z, n-z … Tut Turitg ha sautà

900'000 persunas han visità la «Streetparade 2017». A Turitg èn sa rimnadas pli u main tuttina bleras persunas sco l'onn passà, han ils organisaturs communitgà sin Facebook.

Impressiuns da la «Streetparade 2017»

900'000 persunas hajan sautà tar ils rittems da tecno a la «Streetparade», ed i n'haja dà nagins incaps pli gronds, han communitgà ils organisaturs sin Facebook. Da mezdi ha la polizia avertì da laders e ch'ins duai far attenziun dad objects da valur. Per il persunal da protecziun e salvament haja quai dà radund in terz damain da far che l'onn passà, schegea ch'i saja lura stà circa tuttina blera glieud a Turitg. Tenor ils organisaturs ha quai da far sur tut cun l'aura agreabla d'enturn 20 grads. Uschia sajan pli paucas persunas stadas dehidradas.

Las 14:00 aveva cumenzà la 26avla «Streetparade» en la citad da Turitg sut il motto «Love never ends». Fin las 10 vegnan ils «Lovemobiles» a charrar sin la ruta da dus kilometers tras Turitg.


Mintg'onn vegnan tschientmillis

Laschar ir video «Tschientmillis sautan a Turitg: Igl è puspè Street Parade!»

Tschientmillis sautan a Turitg: Igl è puspè Street Parade!

0:56 min, Nouvo RTR dals 12.8.2017