La pratica da fin qua vegn savens crititgada perquai che persunas cun in status provisoric restan ditg en Svizra ed èn savens dependents d’agid social. Il parlament ha incumbensà il Cussegl federal d’examinar pussaivlas midadas. Uss preschenta el trais propostas. Pertutgads èn surtut persunas da l’Eritrea e da la Siria.
Promover l'integraziun
La finamira dal Cussegl federal è surtut da promover l’integraziun tar tut las persunas che vegnan probabel a star pli ditg en Svizra.
Las trais variantas:
- Varianta 1: Il status da recepids provisoric (permiss F) vegn remplazzads cun la permissiun da dimora (permiss B).
- Varianta 2: Il status da recepids provisoric vegn remplazzads cun in status da protecziun.
- Varianta 3: Il status da recepids provisoric vegn punctualmain adattads.
Il Cussegl federal propona la varianta 2. Lezza correspundia il meglier a las premissas actualas, scriva il Cussegl federal en ses rapport. In status da protecziun megliurà la situaziun dals pertutgads senza ch’els survegnissan gist tut ils dretgs ma tuttina ina segirtad sin dimora.
Radund 34’700 persunas cun status provisoric
La fin da zercladur vivevan en Svizra radund 34'700 fugitivs recepids provisoricamain. Ils ultims 8 onns derivava la gronda part da questas persunas ord l'Eritrea, la Siria e l’Afghanistan, quai scriva il Cussegl federal en ses rapport.
Bleras persunas gia dapi passa set onns en Svizra
Radund 11’000 persunas sajan gia dapi passa 7 onns en Svizra. Bun 30% da questas persunas han ina lavur. La quota da las persunas che basegnan agid social fitg auts tar 80%., scriva il Cussegl federal.
RR novitads 11:00