Siglir tar il cuntegn

Header

cuntegn

Svizra Ovra atomara Leibstadt – gia puspè in stop

Curt suenter che l’ovra atomara da Leibstadt è ida en funcziun la notg da venderdi sin sonda, ha il gestiunari da l’ovra puspè stuì sclauder ella.

La raschun saja ina funcziun fallada en l’indriz da svapurs, ha communitgà l’ovra atomara Leibstadt SA. Quest sbagl saja succedì en ina part betg nucleara da l’ovra. La funcziun fallada è sa mussada cun far tests da funcziun durant il proceder da metter en funcziun l’ovra.

Nov termin per ir en funcziun

Durant la fin d’emna lavuran ils emploiads da l’ovra atomara per curreger il sbagl en l’indriz da svapurs. La finamira dals gestiunaris da l’ovra atomara è, da puspè avair en funcziun quella il glindesdi saira.

Lubientscha era arrivada la gievgia

Durant in mez onn n’aveva l’ovra atomara a Leibstadt betg pudì producir energia. La raschun era stada ch’ils elements d’arder avevan cumenzà da far ruina. Gievgia passada aveva l'inspecturat federal da la segirezza nucleara ENSI dà la lubientscha da puspè laschar ir vid la rait l’ovra da Leibstadt. Lubida era dentant vegnida mo ina producziun reducida.

RR novitads 12:00

Artitgels legids il pli savens