Siglir tar il cuntegn

Header

cuntegn

Svizra Plirs morts tar crudada d'aviun en Vallais

Al Pass dal Sanetsch è in aviun pitschen crudà giu. Trais persunas èn mortas tar l'accident.

  • Al Pass dal Sanetsch en il Vallais è enturn las 13:00 in aviun pitschen crudà giu.
  • Trais persunas èn mortas.
  • La polizia n'ha anc betg fatg dapli indicaziuns davart ils detagls da l'accident.

La Polizia chantunala vallesana ha confermà in rapport da la gasetta «Le Nouvelliste». Tenor la polizia vallesana èn trais helicopters da la Air Glacier stads en acziun. Dapli indicaziuns n'ha la polizia betg fatg il mument.

Tenor la controlla svizra dal traffic aviatic Skyguide sa tractia da la maschina dad ina Piper 28 che possia transportar fin tschintg persunas. L'aviun saja en possess dal club aviatic Seeland a Bienna. L'aviun saja parti da la plazza aviatica a Sion en direcziun da Bienna-Kappelen.

L'Uffizi per examinaziun d'accidents e segirtad da la Svizra (SUST) investighescha en chaussa.

RR novitads 16:00+

Artitgels legids il pli savens