Siglir tar il cuntegn

Header

cuntegn

Svizra Presidi da la PPS vegn restructurà

La radunanza da delegads da la PPS ha tranter auter decidì da reducir il dumber da vicepresidents da 7 sin 3. Questa midada da statuts è vegnida approvada unanimamain.

La partida saja creschida, ma las structuras sajan restadas, ha ditg il cusseglier naziunal Toni Brunner. I saja uras da midar quai. Per repartger la responsabladad sin plirs givès duai in gremi dad otg persunas esser responsabel per las fatschentas quotidianas. Dasper il president ed ils trais vicepresidents fan da nov in responsabel per la strategia, in per la communicaziun ed in per las finanzas part a quest gremi da direcziun.

La PPS ha plinavant decis in GEA per l’iniziativa per ina finanziaziun gista dal traffic, ed in NA per la midada da la lescha d’asil. Las parolas per las 3 ulteriuras fatschentas ha la suprastanza da la partida gia decidì il venderdi passà. Per tuttas 3 fatschentas recumonda la PPS in NA.

RR novitads 15:00

Artitgels legids il pli savens