Il radio e la televisiun svizra SRF ha dà enconuschent mesiras da spargn a partir da l'auter onn. Tranter auter vegnian er stritgada plazzas. Tge secturs ch'èn pertutgads saja anc avert, sco ch'i ha num en ina communicaziun. La reducziun da plazzas capitia sut il project «SRF 4.0» cun il qual SRF vul accelerar la midada digitala ils proxims onns.
Las reducziuns da plazzas vegnian fatgas uschè lunsch sco pussaivel via fluctuaziuns natiralas sco er pensiunaments ordinaris ed anticipads, hai num vinavant. Tuttina na sajan relaschadas inevitablas.
La finamira saja da pudair preschentar il 2025 in preventiv equilibrà. Las mesiras da spargn sajan surtut necessarias pervi da la chareschia e las entradas da reclama che giajan enavos. Cun ils process politics sco la reducziun pussaivla da la taxa da Serafe n'haja quai da far nagut.
