Siglir tar il cuntegn

Header

cuntegn

Svizra «Silver» – Nozzas d'argient cun il nov album

In venderdi ils 13 – per Gotthard in di da cletg – è cumparì il nov album. E quest album da nozzas d'argient è solid, ma magari pauc surprendent – virtuos, ma pauc curaschus – sunà, chantà e producì magnific, ma betg innovativ.

audio
Critica da l'album nov cun modi
ord Actualitad dals 13.01.2017.
laschar ir. Durada: 8 minutas 13 Secundas.

Spetgan ins propi insatge surprendent, innovativ da Gotthard? Betg propa. La band ha dapi 25 in rezept da far musica che funcziuna. Gotthard è il mument la band svizra cun il pli bler success. Sco gia menziunà èn els solids, adina cler d'enconuscher, quai ha la glieud gugent dad els.

Durant l'intervista han Leo Leoni e Marc Lynn er discurrì precis da la problematica dad esser commercials ma er star fidaivels a la moda veglia da la musica da rock. Sa chapescha ch'ins sa midia era e quest album saja sur tut pli creschì ch'ils albums avant. Sco quai ch'els sajan er vegnids pli creschids.

Musica da rock sco quai ch'i tutga

Er suenter la mort da Steve Lee l'onn 2010 è la band ida vinavant cun lur stil da musica. Cun il chantadur nov Nic Maeder che ha ina vusch fitg sumeglianta a quella da Steve Lee han els er betg stuì midar insatge vid lur concept che ha enfin oz purtà success.

In rock dir, melodic e bobastic èsi. Sco quai ch'i tucca cun lungs e bels solos da ghitarra sco per exempel en la chanzun «Silver river». Ma er balladas finas tutgan tiers. E sa chapescha er ina chanzun clav, ina chanzun cun melodia che resta en l'ureglia, «Stay with me».

RR actualitad 06:00

Artitgels legids il pli savens