Siglir tar il cuntegn

Header

cuntegn

Svizra Sommaruga vesa paucas schanzas per asil d‘ambassada

La presidenta da la Confederaziun Simonetta Sommaruga vesa paucas schanzas per reintroducir che dumondas d'asil pon er vegnir fatgas tar las ambassadas.

Ella haja gia discurrì cun l'UE davart quest instrument areguard la catastrofa da fugitivs en la Mar mediterrana. I saja però pauc probabel che l'UE introduceschia il mument in nov instrument.

En la situaziun da fugitivs acuta è il niz da questa idea limità.
Autur: Simonetta Sommaruga presidenta da la Confederaziun

Il niz da questa idea saja limità perquai che las sfidas sajan bler memia grondas per survegnir sut controlla cun in asil d'ambassada, uschia Sommaruga. Central saja che l'UE haja decis da rinforzar il salvament dals fugitivs en la Mar mediterrana. Il 2013 aveva la Svizra sco ultim pajais da l'Europa abolì l'asil d'ambassada.

RR novitads 06:00

Artitgels legids il pli savens