Surpassian las entradas in tschert cunfin, sche pudess ina part vegnir duvrada per promover indirect las medias. Ses successur elegì Gilles Marchand haja fatg questa proposta. Quai ha Roger de Weck ditg envers la gasetta «NZZ am Sonntag». Tals models sajan bler megliers che limitar las reclamas da la SRG.
Reducziun d’emetturs
Damain cuntent è de Weck cun la pretensiun da chasas da medias privatas da sminuir la SRG. Tranter auter menziunescha el che la SRG n’haja ils davos 10 onns betg pli expandì. Ils davos onns sajan cun apps, paginas da web, social media e smart tv era vegnids tiers novas vias da transmissiun. En paucs onns na vegnia betg pli discurrì da chanals mabain sur da la megliera pussaivlada da las sis vias da transmissiun per cuntanscher il public.
RR actualitad 10:00