L’economia svizra pudess crescher per passa il dubel ils proxims tschintg onns, e quai grazia al diever da l’intelligenza artifiziala. Quai la conclusiun d'in studi da la firma da cussegliaziun Accenture ch'è avant maun a la NZZ am Sonntag.
Concret pudess il product intern brut crescher da 1,6 sin 3,9%. Quai correspunda ad ina valur agiuntada supplementara da 131 milliardas francs. Il pli grond potenzial vesan ils auturs dal studi en las branschas da finanzas, IT e farmazeutica. Da l'autra vart muntass quai però era che las bleras plazzas da lavur fissan periclitadas en questas branschas.
Perquai sajan emploiadas ed emploiads era sceptics: Radund la mesadad fetschian quitads per lur plazza da lavur. Tuttina blers quintian cun dapli stress ed il risico da survegnir in burnout tras il squitsch che sa dat cun il diever da l’intelligenza artifiziala creschia.
