Svizra - Svizra exportescha marcantamain dapli material da guerra
L'industria d'armaziun svizra ha exportà marcantamain dapli armas l'emprim mez onn. Dal schaner fin il zercladur èn ils exports creschids per in 6avel sin passa 217 milliuns francs – quai cumpareglià cun il medem temp da l'onn avant.
Cun 63 milliuns francs è la Germania stà il pli grond client, communitgescha l'administraziun federala da duana. Dapli exports hai però er dà en l'Indonesia ed en la Brasilia. Sa reducids èn perencunter quels en la Russia ed en la Frantscha.
