Siglir tar il cuntegn

Header

audio
Casa da tgira Puntreis a Mustér.
RTR, Gion Hosang
laschar ir. Durada: 2 minutas 1 Secunda.
cuntegn

Mustér: Curs da tudestg spezial

Ils collavuraturs da l'exteriur da la chasa da tgira Puntreis a Mustér nizzegian purschida da curs da tudestg dad inplus. La chasa da tgira ha purschì maun tar l'organisaziun e las localitads.

Sco quai ch'il manader da la chasa da tgira Puntreis, Diego Deplazes ha ditg, fetschian ils collavuraturs quests curs ord atgna voluntad. Las raschuns persuenter èn differentas. Il persunal da tgira sto pudair mussar si ch'els han fatg in examen da tudestg cun il nivel B2. Pir cun in tal mussament renconuscha la Crusch cotschna Svizra lur diplom da tgira fatgs en il pajas d'origin.

La chaschun nizzegian dentant era auters collavuraturs per emprender tudestg. Uschia porscha inplus sper il curs da tudestg per avanzads era in curs per novizs. Quel cumenza ils 18 da fanadur ed ins po anc s'annunziar per quest curs.

Sustegn dal chantun
La chasa da tgira haja gidà tar l'organisaziun e mettia a disposiziun la localitad per far ils curs, declera Diego Deplazes. Uschia na stoppian ils collavuraturs betg ir pli lunsch per pudair frequentar ils curs. Il curs ston ils participants pajar sez.

Ils curs da tudestg per persunas cun biografia d'integraziun vegnan sustegnids dal chantun. Cundiziun è ch'ì ha almain otg participants. Cun il sustegn dal chantun sa reduceschan ils custs dal curs per mintga participant.

Il curs da tudestg intensiv per uffants che inplus vuleva porscher sco l'onn passà a Mustér, na po però betg vegnir organisà perquai ch'i ha memia paucs interessents.

Dapli da «Total local»

Scrollar a sanestra Scrollar a dretga