Siglir tar il cuntegn

Header

audio
Ford F150 - il pli popular turck en ils Stadis Unids
Keystone
laschar ir. Durada: 3 minutas 57 Secundas.
cuntegn

Tipic american – il pick-up/truck

Ils Americans èn vairs fans dals trucks sco els numna quels autos cun ina punt per chargiar davostier. Nagin auter auto vegn vendì pli savens en ils Stadis Unids.

Il 'bstseller' tranter ils pick-ups en l'America è il Ford F150 è quai gia dapi passa 30 onns. Var 2000 novs survegnan mintga di la lubientscha da charrar sin las vias dals Stadis Unids.

Ma pertge èn ils trucks uschè populars? D'ina vart è il benzin cun bun 80 raps/liter fitg bunmartgà. Uschia na fai nagut ch'els n'èn betg spargnus. Da l'autra vart pon ins duvrar els per transportar dal tut, per trair chars annex e na sto betg desister da luxus endadens.

Probabel ha la popularitad dentant er da far cun quai ch'in manager da Ford ha ditg ina giada: En mintga pick-up saja in zic sentiment da Cowboy e quels autos stettian per libertad e virilitad.

Dapli da «Il chavazzin dal di»

Scrollar a sanestra Scrollar a dretga