Men at Work: «Down Under»

La gruppa: Men at work. La chanzun: Down Under, cumponida da Ron Strykert e Colin Hay, il chantadur da la band fundada il 1979 a Melbourne. Gia cun lur emprim disc «Business as usual» han el gì in success enorm, e lur segunda single è daventada in dals pü gronds hits da l'istorgia da musica. L'emprim be en l‘Australia, in per mais pli tard lura er en ils Saadis Units America, en Europa e sin tut il mund.
In toc cun ritmus da reggae che tschiffa e captivescha gia suenter paucas secundas, e lura anc la vusch marcanta da Colin Hay. I va per in australian che fa viadi enturn il mund, e dapertut nua ch'el fa staziun, rqquinta el da ses pajais. Nus na chapin pero bler, la gronda part è in slang australian cun pleds per part ter vulgars nua ch'i va per sex, baiver bler alcohol e sa cumportar da grobulan. Il rest dal mund n'ha betg encletg bler ed ha simplamain sa lascha tschiffer dal ritmus e l'atmosfera, e «Down Under» è daventa in megahit e numer 1 en blers pajais. Ed er ozeldi è quai in dals pli gronds semperverds. Ina vart negativa datti pero: 28 onns suenter che la chanzun è cumparida hai da in plont da dretgs d'autur cunter Strykert e Hay. Ina part da «Down Under» duai cuntegnair elements da la chanzun d'uffants «Kookaburra», ina chanzun fitg populara en Australia. Il derschader ha dat radschun a la chasa editura che aveva ils dretgs e Strykert e Hay han stui pajar var 700'000 francs, pel temp dal 2002 fin dal 2010. Sch'ins faschess il quint per tut ils onns, lura vessan els gi entradas da sur 30 milliuns, be cun questa chanzun. In vair hit mundial.