Sch'ins taidla chanzuns da Gion Antoni Derungs, sa dumondan ins tuttenina: «Danunder pomai ha el prendì tut quellas melodias?» Tge stgazi immens ch'el ha laschà enavos a nus! E quant modest e lavurus ch'el è stà sia entira vita.
Ils 6 da settember 2015 cumpleniss el il 80avel anniversari. Nus tadlain ina entira ura «Noss chors» che chantan chanzuns da Gion Antoni Derungs, in dals gronds cumponists contemporans da la Svizra. E nus entschavain cun «Danunder ...?» cun il text da Gian Fontana che Gion Antoni Derungs ha mess aschi carinamain en musica: «Danunder hai jeu priu la canzun che ha tutta notg en mei resunau? Hal matg che sgarguglia en mintga cantun, ni han ils utschals a mila mussau?»
Redacziun: Rosvita Barenius