Cun ina da sias emprimas chanzuns, Diana, è el daventà sur notg in star da teenagers. El avess gia lura pudì chalar e viver dal success da sias emprimas cumposiziuns.
Paul Anka ha dentant fatg vinavant e cumponì uschè blers tocs ch'el n'ha gnanc pudì registrar tuts. Tranter auter era el da la partida tar la cumposiziun She's a Lady per Tom Jones ni My Way da Frank Sinatra. Auters hits da Paul Anka èn Lonly Boy u er Put Your Head On My Shoulder. Sias chanzuns ha Paul Anka adina vendì a la firma da discs che pajava il meglier ed uschia fatg milliuns.
Entant concertescha Paul Anka anc adina fitg savens. Cumposiziuns novas edescha el però be pli sporadicamain. Dapi 1993 tutga el tar la Hall of Fame dals pli renomads cumponists.
