Siglir tar il cuntegn

Header

audio
Vischnanca da Mustér.
RTR, G. HOSANG
laschar ir. Durada: 2 minutas 28 Secundas.
cuntegn

Mustér: Partida locala da la PCD sin glatsch

Las actas da la PCD locala da Mustér èn deponids tar la PCD cirquitala da la Cadi. Quai ha René Epp, il president da la PCD cirquitala, confermà a Radiotelevisiun Svizra Rumantscha.

Nagin è president

Gia 2011, cura che Victor Flepp ha demissiunà sco president, è vegnì discutà da schliar la partida locala. La radunanza generala ha lura la finala tuttina decidì da mantegnair la partida, da dentant organisar naginas occurrenzas. Sco president era vegnì elegì Erwin Caminada. Tenor el ha el surdà il presidi a Livio Zanetti, quai lonn passà suenter las elecziuns cirquitalas. Lez di dentant chel na saja betg vegnì elegì sco president. El haja mo surpiglià ensemen cun Rita Huonder da tschertgar commembers per ina suprastanza cumpletta. Quai saja dentant betg reussì, uschia ch'el haja deponì ils acts.

Mantegnair mo ina partida activa

Tenor René Epp saja quai betg in problem sch'i na dettia betg pli la partida locala. Quella haja ina lunga tradiziun a Mustér ed i fiss donn schella vegniss schliada, declera el. Sche la partida sezza na chattia ina soluziun stoppia la partida cirquitala contactar exponents da la partida locala per chattar ina soluziun.

Dapli da «Total local»

Scrollar a sanestra Scrollar a dretga