Siglir tar il cuntegn

Header

audio
Ina copia da l'emprim computer - il «Z3».
Keystone
laschar ir. Durada: 3 minutas 30 Secundas.
cuntegn

«Z3» – l’emprim computer

In'autra invenziun tudestga è il computer. L'inschigner da Berlin Konrad Zuse ha l'onn 1941 bajegià l'emprim computer cun il num «Z3» che funcziunava cumplettamain automatic e cun il sistem binar.

L'emprim computer veseva sa chapescha or tut auter ch'il computer che nus enconuschain oz. Il «Z3» ch'è numnà tenor ses inventader Zuse era gronds sco ina stgaffa, aveva nagin monitur u tastatura e pareva plitost sco ina orgla.

Pauc success per Zuse

Cumpareglià cun interprendiders da computer dad ozendi sco Bill Gates ha Zuse gì pauc success. Pervia da la segunda guerra mundiala avevan ni las medias ni la populaziun interess vid sia invenziun. Plinavant è il model dal «Z3» vegnì destruì entras attatgas da bumbas sin Berlin. Per Zuse è quai stà fitg tragic, el n'aveva numnadamain nagins mussaments ch'el ha bajegià l'emprim computer che funcziunava. Tuttina vala el sco inventader. Pli tard èsi lura er vegnì bajegià suenter il «Z3» ed oz è quel exponì en il Museum Tudestg a Minca.

Dapli da «Il chavazzin dal di»

Scrollar a sanestra Scrollar a dretga