Siglir tar il cuntegn

Header

audio
Il Chor mischedau Schluein.
RTR
laschar ir. Durada: 3 minutas 3 Secundas.
cuntegn

50 onns Chor mischedau Schluein

Il pli grond regal per il giubileum da 50 onns ha il chor gist fatg a sasez. A la festa da chant Sursilvana a Falera ha el cuntanschì per l'emprima giada il predicat «excellent».

Quest onn festivescha il chor maschadà da Schluein il giubileum da 50 onns ed il pli grond regal per quai giubileum ha il chor gist fatg a sasez. A la festa da chant Sursilvana a Falera ha el cuntanschì cun las chanzuns «Intrada a capella», «Ad ina flura» e «Cardientscha» il predicat excellent. Insatge ch'i n'ha anc mai dà dapi ch'il chor exista.

Tenor il dirigent Armon Ulber saja il success a Falera stà ina bella surpraisa, bleras variablas constevan simplamain. El è era persvas ch'ils «Schlueeiiiiners», sco el numna las chantaduras ed ils chantadurs, na daventian uss betg arrogants pervia da quai success. Il chor maschadà da Schluein vegnia a restar in chor da vischnanca, per il qual era il star da cuminanza suenter ils exercizis saja ina part uschè impurtanta sco il chantar sez.

Festa da giubileum cun 3 chors


Era la festa da giubileum saja perquai en emprima lingia ina festa per giudair il chantar e festivar da cuminanza cun dus auters chors: il Chor maschadà da Bever, che festivescha era il giubileum da 50 onns, ed il chor cantAurora, che festivescha il giubileum da 20 onns.

Dapli da «Total local»

Scrollar a sanestra Scrollar a dretga