- audioTadlar Hits africans dals 20.07.2015ord RTR Audio dals 20.07.2015.laschar ir. Durada: 4 minutas 49 Secundas.
20.07.2015 Wes - Alane - Camerun
Wes è il num d’art da Wes Madiko che munta «las ragischs dals antenats». El è in musicist dal Camerun, ch’ha cumenzà a sunar kalimba cun 10 onns en ina gruppa indigena da giuvenots cun num Kwa Kwassi. Il 1987 ha el bandunà il Camerun per ir en l'Europa, nua ch’el ha fundà la gruppa Fakol, sunond cun questa en l’Europa. Decisiv è lura stà ses inscunter cun il collega franzos Michel Sanchez, il fundatur dal project DEEP FOREST. Tras ina stretga collavuraziun cun el è naschì l’onn 1997 la chanzun «Alane», in megahit da stad che maschaida folk, pop e dance cun texts africans ed englais.
- audioTadlar Hits africans dals 21.07.2015ord RTR Audio dals 21.07.2015.laschar ir. Durada: 3 minutas 46 Secundas.
21.07.2015 Zap mama - New World - Congo/Belgia
Ina da las interessantas furmaziuns che sa preschenta ils 7 d’avust al festival da jazz a San Murezzan è la gruppa vocala da Marie Daulne ch’è oriunda dal Congo e viva dapi onns en Belgia. Zap mama cultiveschan la cultura da chantar africana e maschaidan quella cun elements da la musica moderna. La gruppa, naschida il 1991, era planisada sco band a capella da dunnas ed era inspirada per part da la gruppa parenta turitgaisa Sophisticrats. Cun il temp èn adina dapli musicants vegnids tiers. Era il stil da musica è sa midà. Davent da musica africana fin R&B, Hip Hop e musica da pop. Per part han Zap Mama publitgà lur discs sin Luaka Bop, il label mundial da David Byrne.
- audioHits e semperverds africans dals 22.07.2015ord RTR Audio dals 22.07.2015.laschar ir. Durada: 4 minutas 26 Secundas.
22.07.2015 - Wasis Diop - My Son - Senegal
Musicist oriund senegales, naschì il 1950 a Dakar. Figl d’ina prominenza uffiziala, emigrà il 1970 a Paris, cun la finamira da studegiar, ma bainspert vieut vers la musica. Renumà per sia maschaida da folk senegales cun pop e jazz modern. Passond per diversas bands e collavuraziuns ha Wasis Diop lura gì ses exploit definitiv ils emprims novanta, cura ch’el ha contribuì il soundtrack al film «Hyenes», ina elavuraziun africana (tras ses frar reschissur) da la «visita da la veglia» da Dürrenmatt. La gronda part da sias chanzuns èn per franzos u englais, ma el è er enconuschent per ina versiun wolof da «Once in a Lifetim» dals Talking Heads.
- audioHits e semperverds africans dals 24.07.2015ord RTR Audio dals 24.07.2015.laschar ir. Durada: 5 minutas 27 Secundas.
23.07.2015 Baaba Maal - Africans Unite - Senegal
Ina spezia da frar pitschen dal Youssou N’Dour, lascha il senegales Baaba Maal bain fluir blers stils en sia musica. El chanta dentant surtut en la lingua Pulaar, ina etnia che viva lung il flum Senegal. Naschì è Baaba ils 12 da november 1953 en la citad da Podor. El ha studegià musica a Dakar ed a Paris, è dentant er vegnì instruì da ses maister, il ghitarrist e griot tschorv Mansour Seck. Sia fusiun speziala da ragga, salsa e folk bretonic ha inspirà gruppas sco ils rappunz Positive Black Soul ubain il Afro-Celt Sound System. Baaba Maal ha gia publitgà passa 15 albums, tranter quels er chanzuns producidas dal ambientalist englais Brian Eno. Tiers quai ha il chantant gia contribuì duas giadas a la retscha da la Red Hot Organisation, en lur albums conceptuals engaschads cunter la SIDA.
- audioHits e semperverds africans dals 24.07.2015ord RTR Audio dals 24.07.2015.laschar ir. Durada: 5 minutas 27 Secundas.
24.07.2015 Habib Koité - Wassiyé - Mali
Habib Koité, musicist, ghitarrist, chantadur, naschì ils 27 da schaner 1958 a Thiès en il Senegal, è in artist cun ina suatientscha spezialmain gronda en Europa ed America. Quai tranter auter grazia ad in contract cun il label da world-music Putumayo. Ma quai er grazia ad ina maschaida musicala, che parta da las tradiziuns senegalesas, ed includa dentant er accents da flamenco, blues u salsa, l’entir chantà cun ina atgna calma e chalur vocala ed accumpagnà cun ina ghitarra tunada individualmain. Suenter studis al Institut Naziunal da las Arts Bamako ha Habib fundà cun amis da scola la gruppa Bamada, il num dals abitants da Bamako, che vul dentant dir «en bucca al crocodil». Ses emprim grond hit era la chanzun «Cigarette Abana» (naginas cigarettas pli), ma en il fratemp sa Koité guardar enavos sin gia otg divers albums, e sin collavuraziuns internaziunalas cun Eric Bibb e Bonnie Raitt.
- audioHits e semperverds africans dals 25.07.2015ord RTR Audio dals 25.07.2015.laschar ir. Durada: 4 minutas 29 Secundas.
25.07.2015 Boubacar Traoré - Bebe bo nadero - Mali
Boubacar Traoré, naschì il 1942 a Kaynes en il Mali, è ina figura vairamain legendaria. Cun 20 onns era el in idol da la giuventetgna da Mali, sias chanzuns «Mali Twist» e «Kar Kar Madison» vegnevan sunadas en il radio, ed el era famus per sia cumparsa en giacca naira da tgirom che regordava in pau ad Elvis Presley. Ses surnum era «Kar Kar» – il clom ch’ins adressa a giugadurs da ballape. Discs n’ha el però fatg nagins, e suenter il putsch dal 1968 è el insumma crudà en emblidanza, anzi, ins al crajeva schizunt mort. Vers la fin dals onns 80 è Kar Kar vegnì rescuvert da schurnalists maliens en sia citad nativa, e lura han producents europeics relantschà la carriera dal musicist, registrond albums cun el ed han envidà el sin turneas mundialas. Il reschissur svizzer Jacques Sarasin ha perfin fatg in film sur dad el («Je chanterlais pour toi»). E sche Boubacar chanta oz, luran tuna quai vairamain pli da tradiziun africana che da twist ...
- audioHits e semperverds sidafricans dals 26.07.2015ord RTR Audio dals 26.07.2015.laschar ir. Durada: 5 minutas 44 Secundas.
26.07.2015 Soul Brothers - Thandaza - Africa dal Sid
La gruppa Soul Brothers è vegnida fundada l’onn 1974 a KwaZulu Natal en l'Africa dal Sid, enturn il nuschegl dal batterist David Masondo, bassist Zakes Mchunu e ghitarrist Tuza Mthethwa. Inspirads dal soul american, ma tuttina fitg attatgads a l’atgna tradiziun dal Mbaqanga, il stil urban che ha dominà ditg la musica naira dal pajais, èn ils Soul Brothers avanzads a portaparolas musicals da las massas migrantas che pativan sut l’apartheid e stuevan tschertgar lavur en las citads. La gruppa è sa chasada a Johannesburg, s’augmentond ad in vair ensemble cun hammond percussiv e sturs che sustegnevan il soprano marcant da Masondo. Il 1983 han intgins dad els collavurà sin l'album clav da Hugh Masekela «Technobush». En divers accidents dad auto han quatter da la gruppa pers lur vita, tranter quels er il bassist Mchunu. Ma ils Soul Brothers han cuntinuà en nova furmaziun, publitgond en tut da quai da 30 albums. Lur popularitad è dentant sa limitada sin l'Africa dal Sid ed ils pajais cunfinants.
Hits e semperverds africans Hits africans - tschintgavl'emna
20.07 fin ils 26.07.2015
Parter
Parter