Il Museum da trens Alvra daventa realitad

El pareva gia mort: il siemi dal Museum da trens Alvra a Bravuogn. Ussa daventa quest siemi realitad. I saja grategià da rimnar pli u main ils 6.5 milliuns francs basegnaivels. Quai ha communitgà Yves Broggi, il president da la fundaziun dal museum.

Il project "Museum da trens Alvra" a Bravuogn en ina visualisaziun. Bild in Lightbox öffnen.

Legenda da maletgs: Il project "Museum da trens Alvra" a Bravuogn en ina visualisaziun. mad

Las lavurs da construcziun entschaivan questa stad. Il zercladur 2012 duai il Museum da trens Alvra alura avrir las sias portas als visitaders. Integrà en il museum è era in center da cumpetenza da Turissem Bravuogn-Filisur e da la Viafier retica. L'idea per quest museum ha entschet gia avant 10 onns. Pervia da las finanzas fiss il project prest vegnì sutterrà avant 2 onns. Per cuntanscher la finamira han ils responsabels alura redimensiunà il project. Realisà vegn il Museum da trens Alvra en l'anteriur arsenal. Quel tutga a la viafier retica. (bj)