Sperdita per il HCD – ZSC Lions egualisescha seria

Il club da hockey da Tavau ha pers mardi saira la segunda partida da playoff cunter ils ZSC Lions a chasa cun 3:5.

Il HCD ha pers la partida cunter ils Turitgais cun 3:5. Bild in Lightbox öffnen.

Legenda da maletgs: Il HCD ha pers la partida cunter ils Turitgais cun 3:5. Keystone

Enfin bun 3 minutas avant la fin da la partida era il gieu anc egualisà. Lura ha Mark Bastl dentant profità dad in sbagl en la defensiun dal HCD e marcà il 4:3. 30 secundas avant la fin ha Patrick Bärtschi lura segirà la victoria cun il 5:3 en il gol vid. Grazia a la victoria han ils ZSC Lions egualisà la seria da playoff sin 1:1. La proxima partida è gievgia saira a Turitg. E las ulteriuras partidas da playoff: Genevra ha gudagnà la partida cunter Berna cun 5:2. Bienna ha pers cunter Fribourg Gottéron cun 1:4 e Lugano ha battì Zug cun 2:1. Ed ils resultats dal playout: Ils Rapperswil Jona Lakers han pers cunter Ambri/Piotta cun 1:2 suenter ina prolungaziun ed ils SCL Tigers han pers la partida cunter ils Kloten Flyers cun 2:3 suenter sajettar penaltis. (si/fc)