La Svizra è anc adina la top-destinaziun turistica

La Svizra è sco destinaziun da turissem anc adina sin plazza 1 en cumparegliaziun internaziunala, quai resulta dad in studi, publitgà dal forum d'economia mundial WEF.

maletg simbolic: Tranter auter vegn la Svizra ludada per la legislaziun da l'ambient. Bild in Lightbox öffnen.

Legenda da maletgs: maletg simbolic: Tranter auter vegn la Svizra ludada per la legislaziun da l'ambient. A. Badrutt

Il studi mussa dentant che l'avantatg da la Svizra è sa sminuì. La concurrenza tranter las destinaziuns da turissem vegnia a s'augmentar ed ils pajais stoppian sa concentrar dapli sin lur fermezzas individualas, uschia il studi. La Svizra vegn tranter auter ludada per sia legislaziun da l'ambient. Basegn da cumpensaziun dettia dentant tar ils pretschs. Sin plazza 2 da las destinaziuns turisticas è la Germania, sin plazza 3 è l'Austria. (sda/fc)