Belgia: 3 uffants blessads tar accident en Vallais pon ir puspè a scola

3 dals uffants beltgs ch'èn vegnids blessads tar il grev accident da bus en il Vallais van l'autr'emna puspè en scola a Lommel, en Belgia. Quai rapportan pliras gasettas.

Tar il grev accident cun bus èn 22 uffants vegnids per la vita. 4 uffants èn sa blessads. Bild in Lightbox öffnen.

Legenda da maletgs: Tar il grev accident cun bus èn 22 uffants vegnids per la vita. 4 uffants èn sa blessads. Keystone

Avant lur viadi en Svizra aveva questa classa da Lommel 22 uffants, 15 da quels èn morts tar l'accident, 4 èn sa blessads. Suenter in temp da recuperar pon 3 dals uffants frequentar la scola durant 2 mezs dis l'emna. L'accident dal bus ha custà la vita a totalmain 28 persunas, da quests 22 uffants. (fc/sda)

Belgia: Uffants blessads enavos a chasa

La Rega ha pudì repatriar oz ils davos trais uffants blessads da l'accident da bus en il Vallais. A bord direcziun da la Belgia eran sco quai che la Rega communitgescha era numerus parents dals giuvens pazients.

Vallais: Mattatschas ospitalisadas èn ord privel da vita

Las 3 mattatschas belgiasas ospitalisadas ch'èn sa blessadas grevamain a l'accident da bus en il Vallais èn ord privel da vita ed èn sa desdadas ord il coma artifizial. Quai ha communitgà l'ospital universitar da Losanna.

Disgrazia da bus: Bandieras sin mesa asta

La Belgia commemorescha oz ils 28 mortoris da l'accident da bus en il Vallais cun in di da malencurada naziunala. Las bandieras èn per dus dis sin mesa asta. Da las 11 hai dà en l'entir pajais ina minuta da silenzi. Bus e trens han tegnì eri sche quai è stà pussaivel. Silsuenter han ils zenns-baselgia tutgà en l'entir pajais. Era las vischnancas en il Vallais han mess lur bandieras sin mesa asta.

Vallais: Raschun per l'accident è anc adina intscherta

Las raschuns pertge ch'i ha dà il grev accident da bus tar Sierre en il Valais èn vinavant intschertas. Cler è dentant ch'il manischunz dal bus n'ha gì nagins problems cun ses cor, ch'el n'ha gì nagin alcohol en il sang e ch'el n'è era betg charrà memia spert. Quai mussan las emprimas examinaziuns. Tenor l'inquisitur na datti fin ussa era naginas perditgas che han vesì co il manischunz è stà occupà cun ina DVD curt avant l'accident. En consequenza da la disgrazia da mardi saira èn morts 22 uffants e 6 creschids. (ec/sda)

Accident Vallais: Motiv da l'accident intschert

Questa saira curt avant las sis hai dà ina conferenza da pressa davart il grev accident da bus dad ier saira en il Vallais. Il bus era collidà frontal cun il mir d'ina fermada d'urgenza.