Stadis Unids: Cuba vegn vinavant sclausa ord inscunter suprem

Ils Stadis Unids na vulan vinavant betg che la Cuba piglia part a l'inscunter suprem dals stadis americans. Cun quella tenuta s'isoleschan ils Stadis Unids dentant pli e pli fitg, pertge quasi tut ils auters pajais èn da l'avis che la Cuba duai era sa participar al proxim inscunter en 3 onns.

Tenor Barack Obama, il president american, vegna la Cuba sclausa ord l'inscunter perquai che la Cuba na resguardia, tranter auter, betg ils dretg umans. Bild in Lightbox öffnen.

Legenda da maletgs: Tenor Barack Obama, il president american, vegna la Cuba sclausa ord l'inscunter perquai che la Cuba na resguardia, t... Keystone

Il president da la Bolivia, Morales, ha p.ex. ditg ch'uschiglio na dovri quai betg pli inscunters en l'avegnir. Il president american Barack Obama ha confermà ch'ils Stadis Unids sajan encunter, uscheditg che la Cuba na resguardia betg ils dretg umans e las medias vegnian censuradas.(fc/sda)