Partenz/Signuradi avant il terz gieu da playoff

Gievgia saira stat per il club da hockey Partenza/Signuradi in impurtant gieu sin il program. Cun ina victoria pon ils Grischuns cuntanscher il final dals playoffs da la segunda liga. L'onn passà aveva il club da hockey Partenza/Signuradi gnanc dumagnà il pass en ils playoffs. Uss giogan els la seria da mez final e là guarda quai ora fitg bain. Cun 2:0 mainan els la seria encunter il grond favurit, l'EHC Wetzikon, quell'equipa, che giugava la stagiun passada anc en l'emprima liga. Gist 3 equipas grischunas vevan dumagnà il pass el quart final dals playoffs en la segunda liga da hockey sin glatsch. La qualificaziun per il mezfinal ha dentant mo l'equipa da Partenza/Signuradi dumagnà. Il club da hockey Engiadina ed il club da hockey da San Murezzan eran crudads ora en il quartfinal. (rtr/ec)

Partenz/Signuradi spera ch'ils pucks sa tschentian er questa saira en il gol da l'adversari Bild in Lightbox öffnen.

Legenda da maletgs: Partenz/Signuradi spera ch'ils pucks sa tschentian er questa saira en il gol da l'adversari Keystone