Savognin: Lavurs per pendiculara han cumenzà

En il territori da skis da Savognin han cumenzà las lavurs en connex cun la construcziun d'ina pendiculara nova da Tigignas a Somtgant. Las lavurs da demontascha han'ins gia cumenzà.

La sutgera ed il runal, ch'èn plirs decennis vegls, vegnan ussa demontads. Bild in Lightbox öffnen.

Legenda da maletgs: La sutgera ed il runal, ch'èn plirs decennis vegls, vegnan ussa demontads. mad

Fotomontascha da la nova pendiculara da Savognin cun vista sin il Piz Mitgel. Bild in Lightbox öffnen.

Legenda da maletgs: Fotomontascha da la nova pendiculara da Savognin cun vista sin il Piz Mitgel. mad

Il mument èn ins vi dal demontar il runal e la sutgera veglia, ha ditg Vendelin Coray, il directur da las pendicularas da Savognin. En trais fin quatter emnas èsi previs da cumenzar a construir la nova pendiculara. Ella porscha plaz a 10 persunas pro gondla. L'atun avessan tut las lavurs d'esser a fin. Il project custa radund 11 milliuns francs. (fb/rtr)