Randulinas che van sut la pel

En "nossas" chanzuns popularas vegn ella dechantada, en poesias glorifitgada: la randulina. La randulina raquinta da la brama d'ir davent e da turnar, er uschia d'amur, simbol da libertad, forsa era "olma ladina". Ina gronda tradiziun ha il motiv da la randulina però era en in tut auter ravugl: en quel dals tetovaders, en l'istorgia dals tatoos. La marella è ida a la tschertga da fastizs da quest art che va sut la pel – e quai adina puspè era en furma da randulina. E questa tschertga maina dal mund dals mariners, en l'exposiziun "Tattoo" dal Gewerbemuseum a Winterthur, lura directamain en in studio da tetovar, fin a Schlarigna tar in um da 68 onns che porta dapi in onn ses pli nov tatoo: ina randulina. Redacziun: Anna Serarda Campell

Tgi chatta la randulina? En l'exposiziun «Tattoo» en il Gewerbemuseum a Winterthur chatt'ins ina pluna variaziuns da la randulina en il mund dals tatoos. Bild in Lightbox öffnen.

Legenda da maletgs: Tgi chatta la randulina? En l'exposiziun «Tattoo» en il Gewerbemuseum a Winterthur chatt'ins ina pluna variaziuns da... Thea Duskin – Foto: Kimberly Frost

Impressiuns: