Turitg: Freitag en il museum

Las tastgas da la firma Freitag èn enconuschentas dapertut en la Svizra. L'exposiziun "Freitag - Out of the Bag" emprova d'eruir co design ed in bun nas da far fatschentas giogan cun success ensemen. En siat boxas che fan allusiun a cars annex da camiuns mussa l'exposiziun l'istorgia da Freitag, dat in'invista en la producziun da las tastgas, mussa co products vegnan sviluppai e co Freitag venda las tastgas. Dasperas mussan projecziuns da video differents pass da lavur tar Freitag. Davent dal tagliar dapart las blatgas enfin tar il pachetar las tastgas finidas.

Markus e Daniel Freitag, ils dus fundaturs da la fatschenta Freitag èn loschs da l'exposiziun en il museum per creaziun a Turitg. Bild in Lightbox öffnen.

Legenda da maletgs: Markus e Daniel Freitag, ils dus fundaturs da la fatschenta Freitag èn loschs da l'exposiziun en il museum per creazi... Keystone

En set boxas presenta l'exposiziun ils principis e l'istorgia da Freitag. Bild in Lightbox öffnen.

Legenda da maletgs: En set boxas presenta l'exposiziun ils principis e l'istorgia da Freitag. Betty Fleck, © ZHdK

Ina relaziun speziala han ils dus frars e fundaturs da Freitag, Markus e Daniel Freitag tar il lieu da l'exposiziun. Omadus han studegià a la scola d'artisanadi da Turitg a la quala il museum tutga. Markus Freitag è perquai loschs da survegnir ina tala exposiziun da la scola nua ch'els han studegià. In'istorgia da success Entschet ha tut il 1993 a Turitg cura ch'ils dus frars han tschertgà ina tastga robusta che protegia lur skizzas e dissegns da la plievgia. Inspirads dals camiuns che charravan mintga di sper lur WG ora han els lura sviluppà ina tastga or da las blatgas veglias da camiuns. Dapi lura è l'expansiun da Freitag ida vinavant a moda spectaculara. Oz lavuran dapli che 130 persunas per Freitag. En la fabrica nova ad Oerlikon lavan e taglian els da quai da 390 tonnas blatgas mintg'onn. En las nov atgnas stizuns en la Svizra, la Germania, a Vienna, New York e Tokyo, en l'internet e sur passa 400 stizuns partenarias vendan els dapli che 300'000 products mintg'onn, tendenza ensi viers. (aw/aca/rtr)

Las tastgas da Freitag èn derasadas sin l'entir mund sco cheu en il Giapun. Bild in Lightbox öffnen.

Legenda da maletgs: Las tastgas da Freitag èn derasadas sin l'entir mund sco cheu en il Giapun. Akihiko Kanke