Stop da construcziun per il Hotel Scuol Palace

Perquai ch'igl è vegnì lavurà vid fanestras da l'hotel Scuol Palace, in hotel da 150 onns, ha la vischnanca decretà ils 21 d'avust 2014 in stop da construcziun per quel. La raschun è che la lubientscha persuenter n'era anc betg concedida definitiv.

Tenor il president communal da Scuol vegni ussa dentant lavurà tenor lubientscha, vul dir: I vegn stratg ora l'interiur da las chombras e questa lubientscha era vegnida concedida. Er las puntanadas che stattan gia vid la fatschada ha il patrun installà cun consentiment da la vischnanca. Il nov possessur da l'hotel Scuol Palace vul renovar quel dal tut. L'hotel duai puspè esser avert l'avust dal 2015. (rtr/ds/aw)

(RR novitads a las 17.00)

Renovaziun dal Hotel Scuol Palace. Bild in Lightbox öffnen.

Legenda da maletgs: Renovaziun dal Hotel Scuol Palace. RTR