Chattà drogas tar 86 persunas

Al festival da Goa "Summer Never Ends" tranter Rona e Mulegns ha la polizia chantunala fatg passa 100 controllas da drogas tranter mesemna e glindesdi. Tar 86 da questas ha la polizia chattà drogas.

Il festival da Goa "Summer never ends" ha gì lieu dals 1 - 4 d'avust 2013. Bild in Lightbox öffnen.

Legenda da maletgs: Il festival da Goa "Summer never ends" ha gì lieu dals 1 - 4 d'avust 2013. mad

Chattà ha la polizia da tuttas drogas: Da LSD sur coniv ed extasy fin a bulieus illegals. Tenor la polizia chantunala han 2 persunas gì plirs kilos drogas da "design". Questas èn vegnidas arrestadas suenter avair controllà las abitaziuns da las persunas. Las persunas ch'han gì grondas quantitads da drogas ston quintar cun ina denunzia pervi da commerzi cun drogas. (sda/sd)

Party da Goa 2013 è ida a fin

Sco i para è la party da Goa a Rona ida a fin senza incaps pli gronds. Enturn 10'000 persunas han visità il festival "Summer never ends". Quai communitgeschan ils organisaturs.