Mal'entschatta cun buna finiziun

La Skateline Alvra ha dumbrà quest enviern 10'245 viadis sin il vial da glatsch tranter Alvagni e Surava. Sco quai che Giorgio Bossi, il president da l'uniun Skateline Alvra ha confermà al Radio Rumantsch, hajan ins quasi gì medem blers visitaders sco l'enviern da record avant.

Giorgio Bossi, il president da l'uniun Skateline Alvra. Bild in Lightbox öffnen.

Legenda da maletgs: Giorgio Bossi, il president da l'uniun Skateline Alvra. RTR, F. Belotti

La skateline Alvra è stada averta a partir dal december enfin ils 3 da mars. Giorgio Bossi fa quint cun cifras nairas per la stagiun passada. Il mais da record saja stà il favrer, quai mais haja pudì egualisar ils mais da december e schaner, ch'eran plitost flaivels. Per la Skateline Alvra han lavurà 31 persunas, quai en la restauraziun, en la preparaziun dal glatsch ed era per il servetsch da taxi tranter Surava ed Alvagni. (rtr/fb)