Prest 30'000 persunas han visità il Museum da viafier

Il museum da la viafier a Bravuogn è in success. Suenter l'avertura il zercladur da l'onn passà ha il museum gia dumbrà circa 30‘000 visitaders. Ils responsabels èn cuntents.

En il "crocodil" da la Viafier retica è installà in simulatur da manischar. Bild in Lightbox öffnen.

Legenda da maletgs: En il "crocodil" da la Viafier retica è installà in simulatur da manischar. RTR, F. Belotti

Sco quai che Nora Hauswirth dal museum da Viafier ha ditg envers il Radio Rumantsch, saja er stà in grond success la prelecziun dal scriptur Arno Camenisch da la fin da december. Dapli che 80 persunas hajan visità la prelecziun. Quintà hajan'ins cun mo 30 persunas. Pitschnas midadas Il november èn vegnidas fatgas pitschnas adattaziuns en il museum. Uschia è per exempel la viafier da model vegnida pli gronda, ed uffants pon bajegiar in viaduct da laina. Plinavant èsi da nov pussaivel per ils uffants dad udir istorgias da viafier sur in ureglier. (fb/rtr)

Bler d'explotar per Elin e Fadri Bachmann

Dapli dal Museum da trens Bravuogn

10'000 han visità museum da viafier grischun

Gia 10'000 persunas han visità l'emprim museum da viafier grischun a Bravuogn. Quai ha communitgà la fundaziun museum da viafier.

Bravuogn: Museum da viafier avra il zercladur

Ils 2 da zercladur avra il museum da viafier a Bravuogn sias portas cun ina gronda festa d'inauguraziun. I dat anc bler da far, ma Pius Tschumi, il realisatur da l'exposiziun dal museum è da buna speranza da vegnir a fin sco planisà

Il Museum da trens Alvra daventa realitad

El pareva gia mort: il siemi dal Museum da trens Alvra a Bravuogn. Ussa daventa quest siemi realitad. I saja grategià da rimnar pli u main ils 6.5 milliuns francs basegnaivels. Quai ha communitgà Yves Broggi, il president da la fundaziun dal museum.