In avieuler amez la citad da Cuira

Dapi glindesdi ha la citad da Cuira in avieuler amez citad. Sin il tetg da la chasa d'RTR hai duas chistas cun radund 40'000 avieuls. Mo era sch'ils avieuls vivan ussa en citad, na manca ad els il nutriment. In avieul po numnadamain sgular enfin 3.5 kilometers.

Il cusseglier da la citad Tom Leibundgut e l'apicultur Urs Nutt cun las 2 chistas plain avieuls sur ils tetgs da Cuira. Bild in Lightbox öffnen.

Legenda da maletgs: Il cusseglier da la citad Tom Leibundgut e l'apicultur Urs Nutt cun las 2 chistas plain avieuls sur ils tetgs da Cuira. RTR, G.-M. Maissen

Vul dir che l'avieul po era ir per nectar sin las muntognas enturn Cuira. Dentant era els differents parcs en citad datti avunda nutriment per ils avieuls. La gruppa dad apiculturs giuvens "Flugschnaisa" cultivescha 12 pievels d'avieuls a Razén ed ussa era quests 2 pievels a Cuira. Quai fan els ensemen cun uffants interessads che pon s'annunziar tar els. Uschia vulan els dar enavant la fascinaziun d'apicultura e mantegnair la lavur dal apicultur. (rtr/uca)

(RR actualitad a las 06:00)