Onur per Dario Cologna a Tavau

Il passlunghist e campiun mundial Dario Cologna è vegnì onurà mardi saira a Tavau per sias prestaziuns al campiunadi mundial en la Val di Fiemme. Tranter auter è Cologna vegnì onurà dal landamma da Tavau, Tarcisius Caviezel e dal president da la regenza, Hansjörg Trachsel.

archiv: Il passlunghist jauer è vegnì onurà per sias prestaziuns en la Val di Fiemme. Bild in Lightbox öffnen.

Legenda da maletgs: archiv: Il passlunghist jauer è vegnì onurà per sias prestaziuns en la Val di Fiemme. keystone

Il passlunghist da Val Müstair è turnà a chasa cun 2 medaglias. Suenter la medaglia d'aur en il skiatlon ha Cologna gudagnà la dumengia la medaglia d'argient en la disciplina roiala da 50 kilometers en stil classic. Per Cologna cuntinuescha la cuppa mundiala la fin d'emna a Lahti en Finlanda. (rtr/fc)