Grischun: 15 onns La Quotidiana e l'ANR

Oz festivescha La Quotidiana ses 15avel anniversari. Ils 6 da schaner 1997 è l'emprima ediziun cumparida. Dentant, anc in per mais avant, vesevi ora mal per ina gasetta rumantscha.

La Quotidiana cumpara 5 giadas ad emna. Bild in Lightbox öffnen.

Legenda da maletgs: La Quotidiana cumpara 5 giadas ad emna. RTR, F. Cajochen

Il november 1996 è l'editur da la Svizra tudestg, Hanspeter Lebrument, sa decidì d'edir ina gasetta rumantscha dal di. Da lez temp era Lebrument gia stà en possess da la gasetta emnila il Fögl Ladin e da la GasettaRomontscha. Lebrument ha vesì sinergias. Era perquai ch'igl è vegnì fundà l'agentura da novitads rumantscha. Decisiun spontana La decisiun da far lezzas uras La Quotidiana ensemen cun la casa paterna, l'organ da la renania, da è dentant stada fitg spontana. Quai suenter bleras e stentusas sesidas cun rumantschas e rumantschs, uschia Lebrument. Gasetta integrala L'emprim schefredactur da La Quotidiana è stà Enrico Kopatz. A l'entschatta era la gasetta ina gasetta integrala, cun ina part naziunala ed internaziunala. La Quotidiana avess gì da remplazzar la gasetta tudestga. Quai n'ha dentant betg funcziunà. La consequenza: entaifer 2 onns è l'ediziun da La Quotidiana sa reducida da 7'500 exemplars sin 6'000 exemplars. Midà cuntegn La gasetta è lasuenter sa midada tar ina gasetta cun cuntegn da las valladas rumantschas. Dentant er suenter la midada è l'ediziun sa sminuida anc ina giada. Cler è ch'il quint da Lebrument n'è betg ì si e che redacturs da La Quotidiana èn vegnids relaschads. L'onn 2009 ha Hanspeter Lebrument, schizunt smanatschà da smetter cun la gasetta rumantscha. ANR surprenda redacturs E l'ANR ha alura surpiglià 3 redacturs da La Quotidiana. Sulettamain la plazza dal schefredactur Martin Cabalzar è restada. Davent da l'auter onn duvrass l'ANR 150'000 enfin 200'000 francs dapli ad onn. Actualmain survegn l'ANR radund in milliun francs ad onn. Il motiv: Ils redacturs che l'ANR han surpiglià maglian davent ils daners. Cifras nairas La chasa editura da la Südostschweiz da Hanspeter Lebrument perencunter scriva cifras nairas. Malgrà ils problems che La Quotidiana ha gì durant quests 15 onns è Lebrument dal maini ch'i dettia La Quotidiana anc almain ulteriurs 15 onns. (fc/rtr)

L'eprima ediziun da La Quotidiana, ils 06 da schaner 1997. Bild in Lightbox öffnen.

Legenda da maletgs: L'eprima ediziun da La Quotidiana, ils 06 da schaner 1997. mad

Martin Cabalzar, il schefredactur da La Quotidiana. Bild in Lightbox öffnen.

Legenda da maletgs: Martin Cabalzar, il schefredactur da La Quotidiana. mad