Tgi che sa rumantsch sa dapli
RTR
Dapi ils 15 da matg 2006 emettan Radio e Televisiun Rumantscha ord la nova chasa RTR a la Plazza dal teater a Cuira. En quest center da medias modern sa chattan era ils biros dals correspundents da la Televisiun svizra SF e da Radio DRS, da la Radiotelevisione svizzera di lingua italiana RTSI, ultra da quai era la filiala da l'Agentura svizra da novitads SDA ed il post central da l'Agentura da Novitads Rumantscha ANR. Ils 6 da zercladur è la chasa vegnida averta uffizialmain ed ils 9 e 10 da zercladur èn stads ils dis da las portas avertas.
La nova chasa RTR è la quarta dimora da Radio e Televisiun Rumantscha a Cuira. L'emprim studio sa chattava a la Via Otto ed è vegnì surpiglià 1966. 1976 è vegnì cumprà il plaunterren e l'emprima auzada da la chasa a la Via dal teater 1, 1985 han ins cumprà las ulteriuras auzadas en questa chasa; 1994 è la Televisiun Rumantscha vegnida transloccada a la Via Comerciala a l'ur da Cuira.
Pervia da l'augment dal program da radio e televisiun dapi 1984 è la dumonda da plaz vegnida pli urgenta. Uschia han ins cumenzà a planisar in engrondiment a la Via dal teater durant ils onns 90. Il 2001 è vegnida lantschada ina nova strategia: in center da medias en il center da Cuira, nua che radio e televisiun pon lavurar ensemen sut in tetg e nua ch'ils correspundents da SF e SR DRS, da RTSI ed ulteriuras persunas da las medias pon vegnir integradas.
| Musica on air | Live |
|
11:52 Plüsch - Häbs Guet 11:56 Vonda Shepard - Read Your Mind
| |
Grazia che vus visitais nossa pagina!
Voss'opiniun interessescha nus. Prendai in zichel temp e respundai intginas dumondas davart nossa pagina.
Grazia fitg!
respunder a las dumondas
