Suenter aur en la concurrenza polisportiva ha Giulia Steingruber gudagnà argient en il sigl dal campiunadi d'Europa a Montpellier. La giuvna svizra ha mussà dus sigls excellents, ha dentant tuttina stuì surlaschar la victoria a la Russa Maria Paseka.
Steingruber è stada campiunessa d'Europa en il sigl ils onns 2013 e 2014. La Russa Maria Paseka ha dentant mussà sigls in zic pli difficils che Steingruber. Sin plazza trais è la Russa Xenja Afanasjewa.
Brägger gudogna bronze
En la sparta "gimnastica per terra" è il svizzer Pablo Brägger vegnì terz ed ha uschia gudagnà la medaglia da bronz. Campiun europeic è daventà il brit Kristian Thomas. Argient va al Russ David Beljawski.