Sco gia il numer 2 dal mund, Agnieszka Radwanska, ha er il numer 5 dal mund da la rangaziun da WTA Simona Halep stuì conceder ina sperdita cunter la giugadra svizra.
Uschia ni uschia - ina Russa spetga sin la Svizra
Malgrà la partenza fallada ha Bacsinszky mantegnì la ruassaivladad. Suenter 2 uras e 28 minutas èsi lura stà cler ch’ella sa chatta en il mezfinal a Miami. Timea Bacsinszky batta si’adversaria cun 4:6, 6:3, 6:2.
Uss spetga la partida dal mezfinal. Fatg cler è gia che Bacsinszky frunta sin ina Russa: U sin Swetlana Kusnezowa (WTA 19) che ha battì Serena Williams, u sin Jekaterina Makarowa (WTA 31).
RR novitads 06:00