Siglir tar il cuntegn

Header

cuntegn

Naziunal/Internaziunal Buna saira per las equipas svizras en l'Europa League

En l'Europa League han ils Young Boys da Berna gudagnà a chasa cunter Apoel Nikosia cun 3:1. Tut ils 3 gols per YB ha sajettà il Franzos Guillaume Hoarau.

Cun questa victoria sa chatta YB da nov sin plazza 3 da la tabella en la gruppa B, quai cun 4 puncts. Olympiakos Piräus ed Apoel Nikosia han mintgamai 6 puncts.

Medemamain 4 puncts ha il club da ballape da Turitg en la gruppa L. Quai basta là per plazza 2. L'FCZ ha cuntanschì ordaifer in pari dad 1:1 cunter Steaua Bukarest. Uschia è l’FCZ suenter trais gieus cun 4 puncts sin plazza dus da la tabella.

RR novitads 23:00

Artitgels legids il pli savens