La mesiraziun dal temp al Bike-Maraton dal parc naziunal da sonda passada ha chaschunà gronds problems. Gia durant la cursa vegnivan communitgà fallà temps cun fallà nums. Ussa suenter che las glistas da rang èn vegnidas publitgadas, han ins constatà uschè blers sbagls, ch'ils responsabels han allontanà las glistas da l’internet. Il temp ha mesirà quest onn per l'emprima giada ina nova firma, la MSO, ha declerà Claudio Duschetta il president dal comité d’organisaziun. MSO saja actualmain vidlonder da curreger ils sbagls e veglia publitgar las novas glistas enfin questa saira.
RR novitads 12:00