Grazia ad in 2:1 ordaifer encunter Lucerna gudogna l’FCB anticipadamain il titel da campiun svizzer – e quai per l'otgavla giada en seria e per la 20avla giada insumma en l'istorgia dal club. Dapi l'onn 2010 ha Basilea uschia gudagnà il campiunadi svizzer senza interrupziun. La dominanza dal FCB en il ballape svizzer, cunzunt en la Super League, è senza exempel. Ed ina fin n'è betg vista.
Schanza sin il dubel
Suenter ch'ils da Basilea han gudagnà anticipadamain il campiunadi, han els la schanza dad era gudagnar il cup svizzer. En il final fruntan Basilea dentant sin il FC Sion ch'ha cuntanschì gia 13 giadas il final dal cup svizzer – ed era gudagnà quel 13 giadas. Il final ha lieu ils 25 da matg 2017 en il Stade de Genève.
RR novitads 22:00