Siglir tar il cuntegn

Header

cuntegn

Naziunal/Internaziunal Ferma prestaziun: Cologna resta sin podest da Tour de Ski

Dario Cologna realisescha ina marca da record al Tour de Ski. Cologna terminescha il tur sco terz. Igl è gia la sisavla giada ch’el terminescha in Tour de Ski sin il podest. Sin il grond victur dal Tour, il Russ Sergej Ustjugow, perda Cologna 1,20 minutas.

Segund vegn il Norvegiais Martin Johnsrud Sundby. El arriva cun ina minuta retard sin Ustjugow en l'arrivada sin l'Alpe Cermis.

audio
Sportissimo: Intervista cun Dario Cologna
ord Sportissimo dals 08.01.2017.
laschar ir. Durada: 3 minutas 5 Secundas.

Nagin n'ha fatg dapli plazs da podest che Cologna

Per Dario Cologna èsi la segunda giada en sia carriera ch'el terminescha il Tour de Ski sco terz suenter l'onn 2010. Ils onns 2009, 2011 e 2012 ha el triumfà a questa pli dira tura cun total set etappas. Avant quatter onns era il Jauer vegnì segund. Dapli plazs sin il podest a quest tur n’ha fin uss nagin auter atlet realisà. Il record da sis giadas sin podest parta Cologna cun Petter Northug, che n'è questa giada betg stà a la partenza.

Pli gronda victoria per Ustjugow

Sergej Ustjugow festivescha la pli gronda victoria da sia carriera. Il Russ ha gia conquistà en l'emprim'etappa il tricot dal leader e quel ha el defendì fin a la fin a l'arrivada sin l'Alpe Cermis. Da las total set etappas ha Ustjugow gudagnà sis.

Ils ulteriurs Svizzers termineschan il Tour de Ski en la Val di Fiemme sco suonda: Jonas Baumann vegn 20avel, Toni Livers 21avel. Quai cun in retard da radund 6,25 minutas.

Victoria russa entamez scandal da doping

In dals pli gronds scandals da doping en l’istorgia da sport, ed ina victoria d’in Russ al Tour de Ski.

audio
Sportissimo: Reto Burgermeister e la prestaziun dubiusa d'Ustjugow
ord Sportissimo dals 08.01.2017.
laschar ir. Durada: 3 minutas 3 Secundas.

Malgrà che numerus atlets èn suspendids suenter manipulaziuns als gieus olimpics a Sotschi gudogna Sergej Ustjugow la cursa sur set etappas. E quai a moda impressiunanta – sis da las etappas ha el conquistà ed uschia realisà la pli gronda victoria da sia carriera.

Quai dat da pensar, er a ses anteriur trenader, il Svizzer Reto Burgermeister. In discurs.

RR novitads 17:00

Artitgels legids il pli savens