Siglir tar il cuntegn

Header

cuntegn

Lahti 2017 Uss è el arrivà – Dario Cologna è a Lahti

Dario Cologna è arrivà per duas cursas als campiunadis mundials da ski nordic en la Finlanda.

Pervia da sia blessura vid il ventrigl desista Cologna gea sin tut las cursas en il stil classic e parta sulet venderdis cun la staffetta e dumengia en la cursa roiala da 50 kilometers stil liber.Glindesdi saira è il campiun mundial e campiun olimpic da la Val Müstair sgulà en Finlanda ed il mardi suenter solver ha Cologna gia dà sia emprima intervista a Lahti.

audio
Mezdi: Lahti – Dario Cologna è rivà
ord Actualitad dals 28.02.2017.
laschar ir. Durada: 2 minutas 38 Secundas.

Cologna ha en mira ils 50 kilometers stil liber

I saja stà putgà da persequitar las cursas fin uss a la televisiun, oravant tut da na betg pudair partir al skiatlon, di Dario Cologna. El saja uss dentant da buna speranza da pudair mussar duas bunas cursas ed er cumbatter en quellas per las medaglias. Oravant tut en mira ha Cologna la cursa roiala da 50 kilometers il davos di dals campiunadis mundials da ski nordic.

Artitgels legids il pli savens