Siglir tar il cuntegn

Header

cuntegn

Naziunal/Internaziunal Midada tar il FC Basilea?

Questa stad datti tar il FC Basilea para ina midada da persunal a la testa dal club. L’FCB ha confermà en ina communicaziun ch’in tal concept vegnia per il mument examinà.

Ina radunanza extraordinaria vegnia lura a decider definitivamain. Las gasettas Blick e 20 Minuten avevan rapportà ch’il president Bernhard Heusler ed il directur da sport Georg Heitz sa retirian. En lur pe duain vegnir il manager da medias basilais Bernhard Burgener e l’anteriur giugader Marco Streller.

Bernhard Heusler, ch'è dapi l'onn 2012 president dal FC Basilea, ha pliras giadas menziunà da vulair surdar la gestiun en novs mauns.Quai dentant pir cura che la constellaziun constat. Cun Bernhard Burgener para quai ussa d'esser il cas. L'interprendider da medias e producent da film è naschì è creschì si a Basilea.

RR actualitad 12:00

Artitgels legids il pli savens