Dals 27 da fanadur fin l'emprim d’avust è a Mustér il campiunadi svizzer da parasgular, il Disentis Open. Bun 160 persunas eran s’annunziadas per quest eveniment, la finala èn anc bun 115 parasguladers vegnids a Mustér sisum la Cadi. Tut en tut vegnan quels da bun 20 naziuns. La gronda part èn svizzers che cumbattan per il titel da campiun svizzer. Dasperas hai oravant tut er blers participants da la Frantscha.
Impressiuns ord l'aria
-
Bild 1 von 14. Bildquelle: mad.
-
Bild 2 von 14. Bildquelle: mad.
-
Bild 3 von 14. Bildquelle: mad.
-
Bild 4 von 14. Bildquelle: mad.
-
Bild 5 von 14. Bildquelle: mad.
-
Bild 6 von 14. Bildquelle: mad.
-
Bild 7 von 14. Bildquelle: mad.
-
Bild 8 von 14. Bildquelle: mad.
-
Bild 9 von 14. Bildquelle: mad.
-
Bild 10 von 14. Bildquelle: mad.
-
Bild 11 von 14. Bildquelle: mad.
-
Bild 12 von 14. Bildquelle: mad.
-
Bild 13 von 14. Bildquelle: mad.
-
Bild 14 von 14. Bildquelle: mad.
Da post tar post
Mintga di vegn dà avant ina ruta cun plirs posts. La partenza è a Gendusas en il territori da skis da Mustér sin passa 2’000 meters sur mar. Cura che tuts sa chattan ina gia en l’aria vegn dà liber la partenza. Cun agid da GPS vegn lura sgulà da post tar post. Ina ruta pussaivla è per exempel da sgular da Gendusas sin il Pass Alpsura, enavos fin a Breil, lura direcziun Plaun la Greina ed enavos a Mustér. Quel che sa tschenta sco emprim al Sax sisum il vitg da Mustér ha gudagnà la cursa dal di. La distanza po esser fin a 100 kilometers e cun agid dal vent sgolan ils parasguladers magari fin ad 80/90 kilometers l’ura.
Zonas da protecziun
Tabu è da sgular en las zonas da protecziun. Questas zonas èn fatgas oravant tut per proteger la selvaschina. Sa tschenta in parasgulader tuttina en ina tala zona vegn el chastià. Pia èn ils parasguladers obligads da guntgir talas zonas, er per betg vegnir en dispita cun ils chatschaders.
Preparaziun fin la partenza a Gendusas
-
Bild 1 von 12. Sacados cun ils parasols da sgular. Bildquelle: RTR, Andreas Wieland.
-
Bild 2 von 12. Avant ch'ir a la partenza datti café, cornets ed in pachet da lunch a Caischavedra. Bildquelle: RTR, Andreas Wieland.
-
Bild 3 von 12. Il comité d'organisaziun dal Disentis Open vid fixar la ruta dal di. Bildquelle: RTR, Andreas Wieland.
-
Bild 4 von 12. Martin Scheel (san.) e Marc Demont vid preparar la ruta dal di. Bildquelle: RTR, Andreas Wieland.
-
Bild 5 von 12. Sin la charta vegn malegià la ruta che maina da post tar post. Bildquelle: RTR, Andreas Wieland.
-
Bild 6 von 12. Martin Scheel, trenader naziunal dals parasguladers svizzers, vid far il briefing da la damaun. Bildquelle: RTR, Andreas Wieland.
-
Bild 7 von 12. Ils passa 100 parasguladers al Disentis Open vid tadlar il briefing avant la partenza. Bildquelle: RTR, Andreas Wieland.
-
Bild 8 von 12. Da Caischavedra fin a Gendusas vai cun la sutgera. Bildquelle: RTR, Andreas Wieland.
-
Bild 9 von 12. Andreas Wieland (san.) ed il participant austriac Pascal Purin dad Innsbruck. Bildquelle: RTR, Andreas Wieland.
-
Bild 10 von 12. Charta ed indicaziuns da la cursa a la partenza a Gendusas. Bildquelle: RTR, Andreas Wieland.
-
Bild 11 von 12. A Gendusas ston tuts rasar ora lur parasols per ir en l'aria. Bildquelle: RTR, Andreas Wieland.
-
Bild 12 von 12. La partenza succeda cura che tuts sa chattan en l'aria. Bildquelle: RTR, Andreas Wieland.
Wyss per la 5avla gia campiun svizzer
Suenter quatter da sis etappas ha il Disentis Open stuì vegnir interrut pervia da l’aura. Cunquai gudogna Stefan Wyss da Ringgenberg en la vischinanza dad Interlaken il titel da campiun svizzer en parasgular. Wyss è stà sur tut ils dis il meglier pilot ed el ha oravant tut er gudagnà l’etappa roiala ch’ha manà la sonda da Mustér sur Flem e Cuira fin a Schiers. La finala ha il sportist da 40 onns triumfà avant Michael Maurer e Stephan Morgenthaler. Per Wyss èsi suenter il 2009, 2011, 2012 ed il 2015 gia il 5avel titel da campiun svizzer en sia carriera da parasgular. Tar las dunnas ha gudagnà Nanda Walliser da Niderbipp.
Dapli infurmaziuns sut: http://www.disentis-open.ch