Nino Schurter da nov campiun svizzer

Il mountainbiker Nino Schurter è per la 6avla giada en seria e per la 7avla giada insumma campiun svizzer en il Cross-Country. Il Grischun ha gudagnà la cursa a Montsevelier en il chantun Giura. Cun ses 7 titels è Schurter er il campiun da record svizzer.

Nino Schurter. Bild in Lightbox öffnen.

Legenda da maletgs: Cun ses 7 titels è Nino Schurter campiun da record svizzer. Keystone

Nino Schurter ha gudagnà a Montsevelier en la Val Terbi la cursa cun 13 secundas avantatg sin Mathias Flückiger. Bronz ha Florian Vogel da la Svizra Orientala gudagnà.

Plaz da podest per Jolanda Neff

Tar las dunnas gudogna Jolanda Neff cun 2,15 secundas avantatg sin Linda Indergand dal chantun Uri. Suenter 2014 e 2016 ha Jolanda Neff dal chantun Son Gagl gudagnà cun questa victoria ses titel da campiun. Sin plaz 3 è Corina Gantenbein dal chantun Grischun.

En duas emnas ha lieu il campiunadi europeic da Cross-Country a Darfo Boario Terme en l'Italia dal Nord.

RR novitads 20:00