Dapi il 2007 era Silvano Beltrametti il president d’organisaziun da las cursas da la cuppa mundiala a Lai. Uschia ha el pudì organisar ils finals da la cuppa mundiala il 2011, 2013 e 2014, sco era ulteriuras cursas da la cuppa mundiala. Viavant resta Beltrametti en la suprastanza da l’uniun ma betg pli en la funcziun da president d’organisaziun.
Pliras sfidas per nov president
Sin il directur da las pendicularas da Lai Peter Engler e nov president dal comité d’organisaziun spetgan pliras sfidas. Uschia vegna gia il mars 2018 ad esser las emprimas cursas da la cuppa mundiala da las dunnas a Lai. Sco finamira numna l’uniun da realisar ils finals da la cuppa mundiala. Quai vegn ad esser per l’emprima giada il 2021.
RR novitads 11:00