Siglir tar il cuntegn

Header

cuntegn

Naziunal/Internaziunal Rosberg per emprima giada campiun mundial

Nico Rosberg ha segirà ses emprim titel sco campiun mundial en l’ultim GP da la stagiun. Al Tudestg basta ad Abu Dhabi il 2. plaz davos ses collega da team Lewis Hamilton per il grond triumf.

  • Nico Rosberg daventa per l’emprima giada campiun mundial – 34 onns suenter ses bab Keke
  • Lewis hamilton ha dapli victorias da stagiun (10) che ses collega da squadra (9)
  • Felipe Massa e Jenson Button din adia da la furmla 1

Il resultat da la cursa finala è stà marcant per l’entira stagiun: Lewis Hamilton ha gudagnà la cursa, Nico Rosberg daventa campiun mundial. Al Brit ch’ha uschia gudagnà dapli cursas (10) che ses collega da squadra sin Mercedes (9) n’hai betg tanschì per il titel da campiun mundial.

Quai n’è betg stada ina cursa da giudair per mai.
Autur: Nico Rosberg

Il punct da partenza avant la cursa era cler: In plaz da podest per Nico Rosberg vegness a tanscher ad el per l’emprim titel sco campiun mundial. Lewis Hamilton ha stuì charrar cumplettamain sin victoria – e sperar sin l’agid da la concurrenza.

Verstappen sco sulett’alteraziun

Questa è l’emprim vegnida en furma da Max Verstappen. L’Ollandais è a l’entschatta charrà tranter ils dus paliets d’argient ed ha uschia vilentà Rosberg ch’èra en privel da perder l’attatg a Hamilton. Il Tudestg ha dentant pudì restar ruassaivel ed ha surpassà il giuven da 19 onns en runda 20.

Suenter n’è el betg pli stà en privel da perder la posiziun. Tuttina era el adina conscient da l’enorma pressiun: «Quai n’è betg stada ina cursa da giudair per mai», ha l’um da 31 onns confessà suenter.

RR novitads 17:00

Artitgels legids il pli savens